नेपालमा आफ्नो पुराना गाडीको 'बबाल' मूल्य कसरी पाउने?

नेपालमा गाडी किन्नु भनेको केवल एउटा साधन मात्र होइन, यो एउटा ठूलो लगानी पनि हो। तर, जब केही वर्षपछि हामी आफ्नो गाडी बेच्ने सोच बनाउँछौँ, तब एउटै डर हुन्छ "कतै कौडीको भाउमा त बिक्दैन?"

हुन त नेपालको बजारमा गाडीको मूल्य विदेशमा जस्तो ह्वात्तै घट्दैन, तर केही साना गल्तीले गर्दा तपाईँले लाखौँ रुपैयाँ गुमाउन सक्नुहुन्छ। यदि तपाईँ आफ्नो कार वा बाइकको उत्कृष्ट रिसेल भ्यालु (Best Resale Value) चाहनुहुन्छ भने यी टिप्सहरू पक्कै पछ्याउनुहोस्:

   कागजपत्र क्लियर राख्नुहोस् – विश्वास नै पैसा हो

नेपालमा गाडी किन्ने मान्छे सबैभन्दा पहिला ब्लुबुक हेर्छ। कागज मिलेन भने इन्जिन जतिसुकै राम्रो भए पनि काम छैन।

चेकलिस्ट:

• ब्लुबुक: तपाईंको नाममा हुनुपर्छ, 'नामसारी प्रक्रियामा' भएको गाडीको भाउ १ लाख कम हुन्छ।
• कर चुक्ता: चालु आर्थिक वर्षसम्मको कर तिरेको हुनुपर्छ। यातायात कार्यालयको एपबाट स्क्रिनसट राख्नुहोस्।
• इन्स्योरेन्स: कम्तिमा ६ महिना बाँकी भएको फुल इन्स्योरेन्स छ भने किन्ने मान्छे ढुक्क हुन्छ।
• प्रदूषण जाँच: हरियो स्टिकर अपडेटेड छ कि छैन हेर्नुहोस्।
• सर्भिस हिस्ट्री: सिप्रदी, लक्ष्मी हुन्डाई जस्ता आधिकारिक सर्भिस सेन्टरको बिल छ भने 'सिङ्गल ह्यान्ड, कम्पनी मेन्टेन' भन्न पाउनुभयो। यो वाक्यले नै ५० हजार बढाउँछ।

 सानो खर्च, ठूलो फाइदा: मर्मत कहाँ गर्ने?

इन्जिन खोल्न १ लाख खर्च गरेर भाउ १ लाख बढ्दैन। तर यी ५ कुरामा १५ हजार खर्च गर्दा १ लाख बढ्न सक्छ।

1. टायर: अगाडिका २ वटा टायरको ग्रिप सकिएको छ भने फेर्नुहोस्। चाइनिज नयाँ टायर ६ हजार पर्छ, तर 'टायर नयाँ छ' भन्दा हेर्नेको मन पग्लिन्छ।
2. सस्पेन्सन: काठमाडौंको खाल्डोले गर्दा 'कट-कट' आवाज आउँछ। बुश, बल जोइन्ट फेर्दा १० हजार जान्छ, तर नफेर्दा किन्नेले 'गाडी धेरै थाकेको' भन्छ।
3. ब्याट्री: ३ वर्ष पुरानो ब्याट्री छ भने फेर्नुहोस्। टेस्ट ड्राइभमा स्टार्ट नभएपछि डिल क्यान्सिल हुन्छ।
4. एसी सर्भिस: २ हजारमा एसीको ग्यास र फिल्टर सफा गर्नुहोस्। 'एसी चिल्ड' लेख्न पाउनु ठूलो कुरा हो।
5. हेडलाइट पालिस: पहेंलो भएको हेडलाइट ८ सयमा टल्किन्छ। गाडी ४ वर्ष जवान देखिन्छ।

 'लुक्स' ले पैसा तान्छ: मेकअप गर्नुहोस्

नेपालमा "गाडी सफा छ भने साहुले माया गरेको छ" भन्ने सोच छ।

बाहिर: टेकु वा बालकुमारीको डिटेलिङ सेन्टरमा २५०० तिरेर वास, वाक्स, इन्जिन क्लिन गराउनुहोस्। साना स्क्र्याचलाई कम-पेन्टले टचअप गर्नुहोस्। राजनीतिक दल वा भगवानको स्टिकर हटाउनुहोस्, किन्ने मान्छेको दायरा घट्छ।

भित्र: सिटको दाग shampoo लगाएर हटाउनुहोस्। भुईंमा नयाँ म्याट हाल्नुहोस् १२०० मा। गाडीमा गुट्खा, रक्सीको गन्ध आयो भने ५० हजार घट्छ। एक रात कफीको दाना राखेर गन्ध हटाउनुहोस्।

फोटोले आधा गाडी बेच्छ

उज्यालोमा १५ वटा फोटो खिच्नुहोस्:

• अगाडि, पछाडि, दुवै साइड
• ओडोमिटर - कि.मि. देखिने गरी
• इन्जिन बे - सफा भएको
• सबै सिट, ड्यासबोर्ड
• टायरको ग्रिप
• ब्लुबुक - नम्बर प्लेट छोपेर
• साना स्क्र्याच भए इमान्दार भएर त्यो पनि

इमान्दार फोटो हाल्ने मान्छेलाई 'सिरियस बायर' को कल आउँछ।

निष्कर्ष

नेपालमा गाडीको रिसेल भ्यालु बढाउनु भनेको "विश्वास बेच्नु" हो। तपाईँको गाडी जति 'जेन्युइन' र 'अप-टु-डेट' देखिन्छ, त्यति नै छिटो र महँगोमा बिक्छ। एउटा राम्रोसँग मेन्टेन गरिएको गाडीले तपाईँलाई दुःखको बेला वा नयाँ गाडी फेर्ने बेला राम्रो "ब्याकअप" दिन्छ।

गाडी खरिद-बिक्री गर्नुपर्‍यो? अटल अटो छँदैछ नि!

यदि तपाईँ पनि आफ्नो पुरानो गाडी उचित मूल्यमा बेच्न चाहनुहुन्छ वा कन्डिसन चेक गरिएको राम्रो सेकेन्ड-ह्यान्ड गाडी किन्ने सोचमा हुनुहुन्छ भने हामीलाई सम्झनुहोस्। हामी तपाईँको गाडीको सही मूल्याङ्कन र सुरक्षित कागजी प्रक्रियाको ग्यारेन्टी दिन्छौँ।

Buying and Selling को लागि आजै Atal Auto मा कल गर्नुहोस् र ढुक्क हुनुहोस्!